«ПСЖ» ҳимоячиси Ашраф Ҳакимийга нисбатан қўйилган зўравонлик айбловларини олиб ташлаш бўйича Версаль судида эшитувлар бўлиб ўтди. RCM Sport хабарига кўра, футболчининг жамоадоши Килиан Мбаппе ушбу иш бўйича ўз кўрсатмаларини берган.

Суд ҳужжатларида келтирилишича, Мбаппе воқеалар ривожи ҳақида Ҳакимийдан эшитган маълумотларни баён қилган.

«Ашраф менга улар қиз билан яқин муносабатда бўлганини, барчаси ўзаро розилик асосида кечганини айтди. У менга ўша кунги ёзишмаларни ҳам кўрсатди – ундан кўриниб турибдики, қизнинг ўзи Ҳакимий билан учрашишни истаган. Мен ундан ҳеч қандай мажбурлов бўлмагани ҳақида сўрадим, у эса қиз томонидан ҳеч қандай рад жавоби ёки қаршилик бўлмаганини таъкидлади», – дейди Мбаппе полицияга берган кўрсатмасида.

Эслатиб ўтамиз, 2023 йилда 24 ёшли қиз Ашраф Ҳакимий унга нисбатан зўравонликка урингани ҳақида шикоят қилган эди. Қиз ўша куни кечқурун таксида футболчининг уйига боргани маълум қилинган. Ҳозирда тергов жараёни давом этмоқда.