«Реал» ҳимоячиси Рауль Асенсио мавсум якунида клубни тарк этадиган Давид Алабанинг 4-рақамига эга чиқиш истагини билдирди. Бу ҳақда AS нашри хабар бермоқда.
Асенсио ушбу рақамнинг «Реал» тарихидаги ўрни беқиёс эканини таъкидлади. Хусусан, ушбу рақам узоқ вақт давомида мадридликларнинг афсонавий сардори Серхио Рамосга тегишли бўлгани ва Асенсио учун Рамос кумир ҳисобланишини алоҳида эътироф этди.
Эслатиб ўтамиз, 22 май куни «Реал» расмий сайтида 33 ёшли Давид Алабанинг мавсум сўнгида жамоадан кетиши расман тасдиқланган эди.
Рауль Асенсио «қироллик клуби» академияси тарбияланувчиси ҳисобланади. У ўтган мавсумда барча турнирларда 33 та ўйинда майдонга тушиб, 2 та гол ва 1 та голли узатмага муаллифлик қилган.
