«Real» himoyachisi Raul Asensio mavsum yakunida klubni tark etadigan David Alabaning 4-raqamiga ega chiqish istagini bildirdi. Bu haqda AS nashri xabar bermoqda.
Asensio ushbu raqamning «Real» tarixidagi o‘rni beqiyos ekanini ta’kidladi. Xususan, ushbu raqam uzoq vaqt davomida madridliklarning afsonaviy sardori Serxio Ramosga tegishli bo‘lgani va Asensio uchun Ramos kumir hisoblanishini alohida e’tirof etdi.
Eslatib o‘tamiz, 22 may kuni «Real» rasmiy saytida 33 yoshli David Alabaning mavsum so‘ngida jamoadan ketishi rasman tasdiqlangan edi.
Raul Asensio «qirollik klubi» akademiyasi tarbiyalanuvchisi hisoblanadi. U o‘tgan mavsumda barcha turnirlarda 33 ta o‘yinda maydonga tushib, 2 ta gol va 1 ta golli uzatmaga mualliflik qilgan.
