Мадриднинг «Атлетико» клуби «Брюгге» ҳужумчиси Николо Тресольдига жиддий қизиқиш билдирмоқда. Бу ҳақда журналист Патрик Бергер хабар берди.

Манбага кўра, бельгияликлар клуби 21 ёшли немис футболчисини сотиш орқали тахминан 30 миллион евро ишлаб олишни мақсад қилган. Тресольдининг ўзи ҳам «Атлетико»га ўтиш вариантига ижобий қарамоқда.

Ҳужумчи жорий мавсумда барча турнирларда 57 та учрашувда майдонга тушиб, 20 та гол ва 8 та голли узатмага муаллифлик қилди. Унинг «Брюгге» билан амалдаги шартномаси 2029 йил июнь ойи охиригача мўлжалланган. Transfermarkt портали футболчининг трансфер қийматини 13 миллион еврога баҳоламоқда, бироқ унинг мавсумдаги барқарор ўйини сабаб «Брюгге» нархни икки баравардан кўпроққа оширмоқчи.