«Эвертон» ярим ҳимоячиси Жеймс Гарнер «Манчестер Юнайтед»га қайтиши мумкин. Fichajes нашрининг хабарига кўра, «қизил иблислар» шу ёзда 25 ёшли футболчини сотиб олишга тайёр.
Манчестер клуби хавбек трансфери учун 30 миллион евро тўлаш ниятида. Жеймс Гарнер «Манчестер Юнайтед» тарбияланувчиси ҳисобланади. У 2022 йилга қадар «қизил иблислар» сафида ҳаракат қилган, шундан сўнг 10 миллион евро эвазига «Эвертон»га ўтган эди.
Унинг «ирислар» билан шартномаси 2030 йилнинг 30 июнигача амал қилади. Жорий мавсумда ярим ҳимоячи барча турнирларда 40 та ўйинда майдонга тушиб, 3 та гол урди ва 7 та голли узатмани амалга оширди. Transfermarkt портали Гарнернинг нархини 35 миллион еврога баҳоламоқда.
