«Бавария» фахрий президенти Ули Хёнесс «Реал Мадрид»нинг бўлажак мураббийи Жозе Моуриньонинг ярим ҳимоячи Майкл Олисега бўлган қизиқиши ҳақида гапирди. Madrid Universal хабарига кўра, Моуриньо Берлиндаги ўйинда иштирок этиб, Олисени «қаймоқранглилар»нинг кейинги мавсум учун ҳужум чизиғини кучайтириши мумкин бўлган номзод сифатида кузатган.

«Моуриньо бугун стадионда «Реал» учун Олисени кузатяптими? У Олисега хоҳласа бешта кўзи билан қарасин — барибир уни қўлга кирита олмайди», — деди Хёнесс.

Олисе ёрқин мавсумни ўтказиб, клуб миқёсидаги 52 та ўйинда 22 та гол ва 30 та голли ҳаракатни амалга оширди. Transfermarkt талқинига кўра, унинг бозор қиймати 140 миллион еврони ташкил қилади.