Италия чемпионатининг сўнгги турида Миланнинг «Интер» клуби «Болонья» билан дуранг ўйнади — жамоалар бир-бирларининг дарвозасига учтадан тўп киритишди. Голлардан бирини ҳисобни очган Федерико Димарко ўз номига ёзиб қўйди.
У ушбу мавсумдаги самарадорлик кўрсаткичини 24 баллга етказди — еттита гол ва ўн еттита голли узатма. Бу батафсил статистик маълумотлар йиғила бошлангандан бери Европанинг кучли бешлик чемпионатларидаги номинал ҳимоячилар учун янги рекорд бўлди.
Аввалги рекорд 2023/2024 йилги мавсумда Леверкузеннинг «Байер» клуби аъзоси Алехандро Гримальдо томонидан ўрнатилган эди — йигирма учта натижавий ҳаракат. Тўғри, Германия чемпионатида мавсум 34 та ўйиндан, Италияда эса 38 та ўйиндан иборат.
