«Манчестер Сити» мураббийи Пеп Гвардиола мавсум якунида клубни тарк этишини чарчоқ билан изоҳлади. Испаниялик мутахассиснинг «шаҳарликлар» билан шартномаси 2027 йилнинг июнигача амал қилиши керак эди.
«Бир муддат мураббийлик қилмайман. Бу аниқ. Ишонтириб айтаманки, агар кучим бўлганида, жамоа билан қолган бўлардим. Бошқача бўлганида, мен ҳали ҳам шу ерда бўлардим.
Очиғини айтсам, мен дам олишга лойиқман», — деди Гвардиола.
Бугун «Ман Сити» Гвардиола қўл остида АПЛда «Астон Вилла»га қарши сўнгги ўйинини ўтказади. Пеп «шаҳарликлар»ни 2016 йилдан бери бошқариб келаётган эди.
