«Арсенал» ва «Барселона» клубларининг собиқ ярим ҳимоячиси Александр Глеб УЕФА Чемпионлар лигаси финали — «Арсенал» ва «ПСЖ» ўртасидаги учрашув олдидан ўз фикрлари билан ўртоқлашди.
«Имкониятларни 50 га 50 деб баҳолайман, аммо кўпроқ «Арсенал» ғалаба қозонишига ишонаман. «ПСЖ» ҳимоядан ўйнашни, эҳтиёткорликни билмайди. «Арсенал» эса буни эплайди. «Канонирлар» вазиятни кутиб, кези келганда қарши ҳужумлардан унумли фойдаланиши мумкин», — деди Глеб Fonbet YouTube каналига берган интервьюсида.
«Арсенал» ва «ПСЖ» ўртасидаги ҳал қилувчи баҳс 30 май куни Будапештдаги стадионда бўлиб ўтади. Учрашув Тошкент вақти билан соат 21:00 да бошланади. Эслатиб ўтамиз, амалдаги чемпион — «ПСЖ». Парижликлар бу сафар турнирда кетма-кет иккинчи марта зафар қучишга ҳаракат қилади.
