Ҳимоячи Раул Асенсио «Реал»дан кетмоқчи эмас. Diario AS хабарига кўра, футболчи Мадрид клубидаги ўзининг ҳозирги вазиятини ўзгартирмоқчи.
У раҳбариятга «Реал»га бўлган садоқати шубҳасиз эканини аниқ билдирган. Асенсио келгуси мавсумда «қироллик клуби» сафида тўп суришни мақсад қилган.
Раул Асенсио «Реал» тарбияланувчиси ҳисобланади. Унинг Мадрид клуби билан тузган шартномаси 2031 йилнинг 30 июнига қадар амал қилади.
Жорий мавсумда ҳимоячи «Реал» сафида барча турнирларда 34 та ўйинда майдонга тушиб, 2 та гол урди ва 1 та голли узатмани амалга оширди. Transfermarkt портали Асенсионинг трансфер нархини 25 миллион еврога баҳоламоқда.
