Лондоннинг «Кристал Пэлас» клуби бош мураббийи Оливер Гласнер билан хайрлашди. Немис мутахассиси 2025/26 йилги мавсум якунида клубни тарк этади.
«Энди жамоанинг мақсадлари мутлақо бошқача, улар энди жойини сақлаб қолиш учун курашмаяпти. Бунинг учун сизга раҳмат!», — деди «Селхерст Парк» аренасидаги маросим бошловчиси.
Эслатиб ўтамиз, уч кундан сўнг Гласнер шогирдларини Конференциялар лигасидаги ўта муҳим ўйин кутиб турибди — турнир финалида улар Лейпцигда «Райо Вальекано»га қарши майдонга тушади.
«Мен бу ерга бегона сифатида келгандим, энди эса ўзимни худди Жанубий Лондондан бўлган инсондек ҳис қиляпман», — дея жавоб қайтарди Гласнер стадиондагиларга.
Гласнер 2024 йилда «Кристал Пэлас» бош мураббийига айланган эди. Унгача, 2023 йилда у «Айнтрахт» билан Европа лигаси кубогини қўлга киритган. Жорий мавсум якунларига кўра, «бургутлар» 15-ўринни эгаллади, хавфли зонадан фарқ олти очкони ташкил этди.
