Лондоннинг "Арсенал" клуби вингери Нони Мадуэке Премьер-лиганинг сўнгги турида "Кристал Пэлас"га қарши кечган баҳсда мажбурий тарзда захирага олинди.

24 ёшли футболчи "канонирлар" сафида асосий таркибда майдонга тушди ва жамоасига ғалаба келтирган гол муаллифига айланди (2:1). Учрашув сўнгида бош мураббий Микель Артета Мадуэкени алмаштиришга мажбур бўлди – футболчи сонининг орқа қисмини шикастлаб олди.

Англия оммавий ахборот воситаларининг хабар беришича, жароҳат унчалик жиддий эмас. Катта эҳтимол билан, футболчи 30 май куни бўлиб ўтадиган "ПСЖ"га қарши Чемпионлар лигаси финалигача сафга қайтишга улгуради.

Эслатиб ўтамиз, "Арсенал" 22 йил деганда илк бор Премьер-лига ғолибига айланди. Мадуэке жорий мавсумда барча турнирларда 42 та ўйинда майдонга тушиб, 8 та гол урди ва 4 та голли узатмага муаллифлик қилди.