Londonning "Arsenal" klubi vingeri Noni Madueke Premyer-liganing so‘nggi turida "Kristal Pelas"ga qarshi kechgan bahsda majburiy tarzda zaxiraga olindi.
24 yoshli futbolchi "kanonirlar" safida asosiy tarkibda maydonga tushdi va jamoasiga g‘alaba keltirgan gol muallifiga aylandi (2:1). Uchrashuv so‘ngida bosh murabbiy Mikel Arteta Maduekeni almashtirishga majbur bo‘ldi – futbolchi sonining orqa qismini shikastlab oldi.
Angliya ommaviy axborot vositalarining xabar berishicha, jarohat unchalik jiddiy emas. Katta ehtimol bilan, futbolchi 30 may kuni bo‘lib o‘tadigan "PSJ"ga qarshi Chempionlar ligasi finaligacha safga qaytishga ulguradi.
Eslatib o‘tamiz, "Arsenal" 22 yil deganda ilk bor Premyer-liga g‘olibiga aylandi. Madueke joriy mavsumda barcha turnirlarda 42 ta o‘yinda maydonga tushib, 8 ta gol urdi va 4 ta golli uzatmaga mualliflik qildi.
