«Милан» бош мураббийи Массимилиано Аллегри А серия 38-туридан ўрин олган «Кальяри»га қарши баҳсдаги мағлубият (1:2) ва жамоанинг УЕФА Чемпионлар лигасига йўлланма ола олмагани ҳақида фикр билдирди. Клуб якуний жадвалда бешинчи ўринга тушиб кетди ва кучли тўртликдаги ўринни «Рома» ҳамда «Комо»га бой берди.

— Афсуски, ҳозир натижани ўзгартира олмаймиз. Уйда бешта ўйинда мағлуб бўлсангиз, худди шундай ҳолатга тушиб қоласиз. Биз яхши бошладик ва ҳисобни очгач, натижа ўз-ўзидан ҳал бўлади деб ўйладик, аммо бундай бўлмади. Биз ҳимояда жуда ёмон ўйнадик, айниқса биринчи голда.

Йигитларимга ҳеч қандай эътирозим йўқ, улар Чемпионлар лигасига чиқиш учун қўлларидан келган барча ишни қилишди. Биз «Кальяри»нинг ҳар икки голида ҳам жуда суст ҳаракат қилдик, бу олдин кузатилмаганди. «Женоа»га қарши ўйинда яхшироқ ҳаракат қилгандик, аммо бугун кечқурун босим кўпроқ эди ва биз ўйин тақдирини ўзгартира олмадик, — деди Аллегри Football Italia нашрига DAZN Italia орқали берган интервьюсида.

Италия — А Серияси, 38-тур
«Милан» — «Кальяри» — 1:2
Голлар: Салемакерс, 2 (1:0), Боррелли, 20 (1:1), Родригес, 57 (1:2).