«Манчестер Сити» бош мураббийи Пеп Гвардиола «Этиҳад Стэдиум»даги трибуналардан бирига унинг номи берилишига ўз муносабатини билдирди.

— 10 йил, 20 та соврин ва сизнинг шарафингизга номланган трибуна — ёмон эмас!

— Биласизми, нима учун? Мен илк бор «Олд Траффорд»га келганимда тепага қараб, у ерда сэр Алекс Фергюсон номидаги трибунани кўргандим. «Энфилд»да эса сэр Кенни Далглиш трибунаси бор эди. Мен «сэр» эмасман ва бу унвонни олмайман ҳам, лекин инсон сифатида... Нима демоқчи эканлигимни тушуняпсизми?

— Сиз ҳақингизда ҳали кўп гапиришади.

— Бу фамилияни отам, оилам ва фарзандларим юритишади... Менимча, бу эришилган ютуқларнинг эътирофи ва балки шу 10 йил ичида қандайдир яхши ишларни амалга оширганимизнинг белгисидир. Бундай нарсаларни шунчаки бўлиши керак бўлган оддий ҳолдек қабул қилиб бўлмайди, шундай эмасми? Мен бундан жуда ҳам бахтиёрман, — деди Гвардиола.