«ПСЖ» вингери Хвича Кварацхелия айни дамда жамоада ажойиб бирдамлик муҳити ҳукм сураётганини тасдиқлади.

— Ҳозирда «ПСЖ»даги бирдамлик муҳити ақл бовар қилмайдиган даражада ва бу майдонда ҳам кўриниб турибди.

— Ҳа, менимча, бу жамоамизнинг асосий кучли томонларидан бири. Биз бирга ўйнашдан хурсандмиз, жуда ҳам жипслашганмиз ва шуни тушунамизки, агар бир-биримиз учун курашсак ҳамда ўз футболимизни ўйнасак, ҳар қандай рақибни мағлуб эта оламиз, — деди Хвича «ПСЖ» расмий сайтига.

Ҳозирда Луис Энрике «ПСЖ»ни Чемпионлар лигаси финалига тайёрламоқда. Шанба куни, 30 майда парижликлар соврин учун «Арсенал» билан тўқнаш келишади.