Чемпионлар лигасининг ҳал қилувчи финал учрашувига саноқли кунлар қолмоқда. Будапештда бўлиб ўтадиган баҳсда «ПСЖ» ва «Арсенал» жамоалари тўқнаш келишади. Клублар мазкур ўйинда қайси либосларда майдонга тушишларини белгилаб олишди.

Журналист Крис Уитлининг ижтимоий тармоқларда хабар беришича, ҳар иккала жамоа ҳам ўзларининг асосий уй формаларида ҳаракат қиладиган бўлишди. «Канонирлар» қизил-оқ рангдаги либосларда, парижликлар эса тўқ кўк рангдаги формада майдонга тушадилар.

«ПСЖ» ва «Арсенал» ўртасидаги финал учрашуви шу шанба, 30 май куни бўлиб ўтади. Ўйин Тошкент вақти билан 21:00 да бошланади.

Эслатиб ўтамиз, ўтган йили Чемпионлар лигаси финалида «ПСЖ» Италиянинг «Интер» жамоасини 5:0 ҳисобида мағлуб этиб, чемпионликни қўлга киритган эди.