Бугун Ўзбекистон ўсмирлар терма жамоаси (U17) Австриядаги йиғин доирасида мезбон мамлакат терма жамоаси билан дастлабки ўртоқлик учрашувини ўтказади. Австрия ўсмирлар терма жамоаси спорт директори Вилли Руттенштейнер Ўзбекистон ҳақида қуйидаги фикрларни билдирди:
"Ўзбекистон терма жамоаси идеал шароитларда Европа вице-чемпиони Италияга (аслида Ўзбекистон ўсмирлар терма жамоаси Европа вакили — Хорватия билан бир гуруҳдан ўрин олган — stadion.uz изоҳи) ўйинга тайёргарлик кўрмоқда. Ўзбекистон Осиё чемпиони сифатида биз учун идеал спарринг рақиб ҳисобланади. Боиси биз бошқача ўйин услубига эга бўлган жамоалар билан ўз кучимизни синаб кўришни истаймиз".
Австрия ва Ўзбекистон ўсмирлар терма жамоалари ўртасидаги ўйин бугун Тошкент вақти билан соат 21:00да бошланади.
