«Ньюкасл» вингери Энтони Гордон ёзги трансфер ойнасида фаолиятини «Барселона»да давом эттириши мумкин. Каталонияликлар 25 ёшли футболчининг трансфери бўйича музокараларни бошлаб юборган.

Журналист Фернандо Полонинг хабар беришича, инглиз футболчиси «кўк-анорранглилар» сафига қўшилиш истагида шунчалик қатъийки, келишув амалга ошиши учун ўз маошининг бир қисмидан воз кечишга ҳам тайёр. Бироқ трансфер йўлидаги асосий тўсиқ — «Ньюкасл»нинг талаби. «Қарғалар» ўз етакчисини 85 миллион еврога баҳоламоқда.

Гордонга даъвогарлар фақат «Барселона» эмас: футболчининг трансферига «Бавария» ва «Ливерпуль» ҳам жиддий қизиқиш билдирмоқда.

Маълумот учун, Энтони Гордон Томас Тухель бошчилигидаги Англия терма жамоасининг Жаҳон чемпионати учун қайдномасига киритилган. У якунланган мавсумда «Ньюкасл» сафида 46 та ўйинда майдонга тушиб, 17 та гол ва 5 та голли узатмага муаллифлик қилди.