Англия терма жамоаси ва «Манчестер Юнайтед»нинг собиқ ярим ҳимоячиси Пол Скоулз «Челси»нинг янги бош мураббийи Хаби Алонсога жамоа таркибини кучайтириш борасида ўз тавсияларини берди. Скоулзнинг фикрича, дарвозабон Роберт Санчес жамоанинг асосий муаммоси ҳисобланади.
«Дарвозабон — ҳозирги «Челси»нинг энг катта муаммоси. Санчес жамоа учун оғир юк бўлиб қолмоқда. У Хаби Алонсо хоҳлайдиган услубда ўйнай олмайди. Алонсо ҳужумларни дарвозабон орқали бошлашни ва тўп назоратини хоҳлайди, бунинг учун эса унга янги дарвозабон керак бўлади», — дея таъкидлади собиқ футболчи The Good, The Bad & The Football подкастида.
Маълумот учун, Роберт Санчес «Челси» сафида 2023 йилнинг ёзидан буён тўп суриб келмоқда. Унинг Лондон клуби билан амалдаги шартномаси 2030 йилнинг ёзигача мўлжалланган бўлиб, Transfermarkt портали футболчини 22 миллион еврога баҳоламоқда.
