«Милан» клуби «Борнмут» бош мураббийи Андони Ираолани ўз сафига қўшиб олишга ҳаракат қилмоқда. Инсайдер Николо Скиранинг хабар беришича, италиялик гранд испаниялик мутахассисга 2029 йилга қадар мўлжалланган шартнома таклиф қилган. Келишувга кўра, мураббийнинг йиллик маоши 4 миллион еврони ташкил этади.

Таъкидланишича, Ираола «Милан»нинг бош мураббийлик лавозими учун асосий номзоди ҳисобланади. Шу билан бирга, 43 ёшли мутахассисга яна учта клубдан таклифлар бор: «Кристал Пэлас», «Ньюкасл» ва Леверкузеннинг «Байер» жамоалари.

Эслатиб ўтамиз, Ираола жорий мавсумда «Борнмут»ни тарихида илк бор еврокубокларга — Европа лигасига олиб чиққан эди. У «Борнмут»да 2023 йилдан буён фаолият юритиб келаётганди ва мавсум якунида клубни тарк этиши маълум бўлган.