«Милан» вингери Рафаэл Леау ижтимоий тармоқларда якунланган мавсум сарҳисобини қилди.
2025/26 йилги мавсум якунларига кўра, «Милан» Серия А турнир жадвалида бешинчи ўринни эгаллаб, Чемпионлар лигаси йўлланмасидан маҳрум бўлди.
«Бу жисмоний ва руҳий саломатлигим учун энг оғир синов даври бўлди. Бу менга қанчалик қийин бўлганини фақат ёнимда бўлганларгина билади. Шу сабабли, ушбу мавсум бошқачароқ кечиши учун қўлидан келган ва келмаган барча ишларни қилганларга миннатдорчилик билдираман. Кейинги мавсумда «Милан» яна қувончли ва ғалабали лаҳзаларга қайтсин», — деб ёзди Леау.
