Норвегиялик ҳужумчи Эрлинг Холанд охирги бир йил ичида 25 ёшдан ошмаган дунёнинг энг кўп маош олувчи спортчилари рўйхатида биринчи ўринни эгаллади. Бу ҳақда Forbes томонидан эълон қилинган ҳисоботда айтилади.

«Манчестер Сити» ҳужумчиси бир йил давомида ўз бойлигини 80 миллион долларга кўпайтиришга муваффақ бўлди. Ушбу маблағнинг 60 миллиони клубдаги маоши, 20 миллиони эса реклама ва тижорий фаолиятларидан келиб тушган. Умумий рейтингда (барча ёшдаги спортчилар орасида) Холанд 19-ўринни эгаллади.

Шунингдек, энг бой 50 нафар спортчи қаторига «Реал Мадрид» вакили Винисиус Жуниор ҳам кирди. Унинг йиллик даромади 60 миллион долларни ташкил этган.

Маълумот учун, якунланган мавсумда Ҳоланднинг жамоаси Англия Кубоги ва Англия лига Кубогида зафар қучди, чемпионатда эса иккинчи ўринни эгаллади. 25 ёшли футболчининг шахсий кўрсаткичлари ҳам юқори: у 52 та ўйинда майдонга тушиб, 38 та гол урди ва 9 та голли узатмани амалга оширди.