«ПСЖ» ярим ҳимоячиси Жоау Невеш фаолиятини Мадриднинг «Реал» клубида давом эттириши мумкин. Бу ҳақда El Debate хабар бермоқда.
Манбага кўра, таниқли футбол агенти Жорже Мендеш «қироллик клуби»га Невешнинг трансферини таклиф қилган. Таъкидланишича, футболчининг ўзи ҳам парижликлар сафини тарк этиб, Мадридга кўчиб ўтишга тайёр.
21 ёшли португалиялик футболчи жорий мавсумда барча турнирларда 37 та ўйинда майдонга тушиб, 7 та гол урди ва 4 та голли узатмага муаллифлик қилди.
Невешнинг «ПСЖ» билан тузган шартномаси 2029 йилга қадар мўлжалланган. Transfermarkt портали экспертлари ярим ҳимоячини 110 миллион еврога баҳоламоқда.
