«Кристал Пэлас»ни тарк этаётган австриялик мутахассис Оливер Гласнер фаолиятини Германия Бундеслигасида давом эттириши мумкин. Бу ҳақда инсайдер Николо Скира ижтимоий тармоқлар орқали хабар бермоқда.

Манбанинг маълумотига кўра, «Байер» раҳбарияти мураббий билан эҳтимолий ҳамкорлик борасида музокараларни бошлаб юборган. Ўтган мавсумда Леверкузен жамоаси турнир жадвалида олтинчи ўринни эгаллади. «Байер» 59 очко тўплаб, Европа Лигасига йўлланмани қўлга киритди.

Қўшимча қилиш жоизки, куни кеча Гласнер «Кристал Пэлас» билан Конференциялар лигаси ғолибига айланди. Финал учрашувида «бургутлар» Испаниянинг «Райо Вальекано» жамоасини минимал ҳисобда (1:0) мағлубиятга учратди.