Аввалроқ ОАВда Тиав февраль ойидан бери шартномасиз ишлаётгани ва маош олмаётгани сабабли жаҳон чемпионатига боришни бойкот қилиши мумкинлиги ҳақида хабарлар тарқалган эди.
Федерация баёнотида қуйидагилар таъкидланган.
«Делегация учишининг кечикиши фақат маъмурий ва логистик муаммолар, хусусан, АҚШ ҳудудига махсус рейс учун рухсатнома олиш ҳамда айрим ходимларнинг визаларини расмийлаштириш билан боғлиқ.
FSF мураббийнинг шартнома сабаб сафардан воз кечгани ҳақидаги асоссиз миш-мишларни кескин рад этади. Контракт бўйича музокаралар давом этмоқда, бироқ бу жамоага ҳеч қандай таъсир кўрсатгани йўқ.
Юзага келган кичик техник муаммолар футболчилар ва мураббийлар штабининг жипслигига путур етказмайди. Жамоа АҚШдаги муҳим ўйинлар олдидан бирдамликни сақлаб қолган. Федерация жамоатчиликни дезинформациядан ҳимоя қилиш учун шаффоф ва ишончли маълумот бериб боришга тайёр».
