«Барселона» ярим ҳимоячиси Педри ўз келажаги ҳақидаги фикрлари билан ўртоқлашди.

«Мен «Барселона»ни ҳеч қачон бошқа клубга алиштирмайман. Кимни хоҳласам эшитишим мумкин, лекин мен учун «Барселона» — дунёнинг энг яхши клуби. Бу жамоада ўйнаш менинг болаликдаги орзуим эди ва ҳозир кетмоқчи эмасман», — дея Педрининг сўзларидан иқтибос келтирмоқда Barca Universal.

Педри 2019 йилда «Лас-Пальмас»дан 23 миллион евро эвазига «Барселона»га ўтган эди. Унинг каталонияликлар билан шартномаси 2030 йилнинг 30 июнига қадар мўлжалланган.

2025/26 йилги мавсумда ярим ҳимоячи барча турнирларда 43 та ўйинда майдонга тушиб, 2 та гол урди ва 12 та голли узатмани амалга оширди.