«Барселона» асосан чап қанот ҳужумчиси сифатида ҳаракат қиладиган Энтони Гордоннинг трансферини якунламоқда. Энди каталонияликлар марказий ҳужумчини таркибга қўшиб олмоқчи. Матбуот анчадан бери «кўк-анорранглилар»ни «Атлетико» футболчиси Хулиан Альварес билан боғлаб келмоқда.
Журналист Бен Жейкобс ижтимоий тармоқларда хабар беришича, «Барселона» биринчи расмий таклифни — тахминан 100 миллион еврони тақдим этишга тайёр. Бироқ «Атлетико»нинг позицияси бошқача: мадридликлар 26 ёшли Альвареснинг трансфери учун камида 120 миллион евро олмоқчи. Шу билан бирга, Хулиан Альвареснинг ўзи ҳам «Атлетико»дан «Барселона»га ўтишни истаётганини маълум қилган.
