«ПСЖ» «Атлетико» ва Аргентина терма жамоаси ҳужумчиси Хулиан Альварес учун курашга қўшилди. «El Chiringuito TV» хабарига кўра, Париж клуби 26 ёшли аргентиналик футболчи учун 120 миллион евро ва икки нафар ўйинчини таклиф қилган.

Парижликлар Альваресга «Олтин тўп-2025» соҳиби Усмон Дембеленики билан бир хил миқдорда — йилига 22 миллион евро маош тўлашга тайёр.

Аввалроқ ОАВда «Барселона» ва «Арсенал» жамоалари ҳам форвардга қизиқиш билдираётгани ҳақида хабарлар тарқалган эди.

Альвареснинг «Атлетико» билан амалдаги шартномаси 2030 йилга қадар мўлжалланган. «Transfermarkt» портали футболчининг трансфер қийматини 90 миллион еврога баҳоламоқда.

Жорий мавсумда Альварес барча мусобақаларда 49 та ўйинда майдонга тушиб, 20 та гол урди ва 9 та голли узатмага муаллифлик қилди.