«Ливерпуль» ҳимоячиси Ибраима Конате ёзда эркин агент сифатида инглиз клубини тарк этиши мумкин, деб хабар бермоқда «talkSPORT».
Манбанинг маълум қилишича, 27 ёшли франциялик футболчи ва «қизиллар» янги шартнома борасида келиша олмаган. Ҳозирги шартнома муддати 1 июль куни ўз якунига етади.
«Transfermarkt» портали футболчининг бозор қийматини 50 миллион еврога баҳоламоқда. У 2021 йилдан буён «Ливерпуль» сафида тўп суриб келмоқда.
Конате жорий мавсумда барча мусобақаларда 51 та ўйинда майдонга тушиб, битта гол муаллифига айланган.
