Антонио Кассано ўзидан кучлироқ бўлган футболчиларни санаб ўтди.
«Иньеста мендан устун — у мен футбол тарихида кўрган энг кучли ярим ҳимоячи. Шунингдек, Роналдиньо: унда 5-6 йил давомида шундай даража бўлганки, мен унга ета олмаганман. Ромарио мендан кучлироқ эди, худди Феномен Роналдо, Неймар ва албатта, Месси каби.
Ҳатто учта ҳаётим бўлса ҳам, Лионелга яқинлаша олмайман. Бизни ягона боғлаб турадиган нарса шуки, мен у билан ўша «Барселона»да ўйнашим мумкин эди», — деди «Реал»нинг собиқ ҳужумчиси «Viva el Futbol» шоусида.
