«Манчестер Юнайтед» «Аталанта» ярим ҳимоячиси Эдерсоннинг трансфери бўйича келишувга яқин турибди, деб хабар бермоқда «ESPN» ўз манбаларига таяниб.
Маълумотларга кўра, «қизил иблислар» 26 ёшли бразилиялик футболчининг спорт ҳуқуқларини сотиб олиш учун тахминан 40 миллион евро тўлашга тайёр.
Клуб 2026/27 йилги мавсум олдидан ярим ҳимоя чизиғини кучайтиришни устувор вазифа деб белгилаган. Эдерсон 2026 йилнинг ёзида жамоага келиб қўшиладиган камида икки нафар ярим ҳимоячидан бири бўлиши кутилмоқда.
Эдерсон 2022 йилнинг июлидан буён «Аталанта» сафида тўп суради, унинг амалдаги шартномаси 2027 йилнинг 30 июнига қадар мўлжалланган.
2025/26 йилги мавсумда ярим ҳимоячи 41 та ўйинда майдонга тушиб, 3 та гол урди ва 2 та голли узатмани амалга оширди. «Transfermarkt» портали футболчининг трансфер қийматини ҳам 40 миллион еврога баҳоламоқда.
