Мюнхеннинг «Бавария» клуби «Ювентус» ҳужумчиси Душан Влаховичга бўлган қизиқишни қайта тиклади. Катта эҳтимол билан, 26 ёшли футболчи бир ойдан сўнг якунига етадиган «кекса синьора» билан шартномасини узайтирмайди.

Tuttosport нашри хабарига кўра, «Бавария» аллақачон Влахович билан алоқага чиққан ва уни эркин агент сифатида таркибга қўшиб олиш имкониятини кўриб чиқмоқда. Мюнхенликлар сербиялик ҳужумчида Харри Кейн учун ишончли ўринбосарни кўришмоқда.

Душан Влахович учун даъвогарлар орасида «Ньюкасл» ва «Наполи» клублари ҳам бор. Эслатиб ўтамиз, ушбу форвард ўтган мавсумда «Ювентус» сафида барча турнирларда 23 та учрашув ўтказиб, 10 та гол ва 2 та голли узатмага муаллифлик қилди. У 2022 йил бошидан буён «бьянконери» шарафини ҳимоя қилиб келмоқда.