Альваро Арбелоа кетганидан сўнг, Жозе Моуриньо ҳалигача Мадриднинг «Реал» клубига бош мураббий бўлиш учун асосий номзод ҳисобланади. Агар Флорентино Перес президентлик сайловларида ғалаба қозонса, португалиялик мутахассиснинг тайинлангани июнь ойи бошида эълон қилиниши мумкин.
Diario AS хабарига кўра, португалиялик мураббий клуб юлдузли ва мақтанчоқ юлдузларни эмас, балки жамоа учун курашишга тайёр, ғалабага «чанқоқ» ўйинчиларни сотиб олишини истамоқда.
Эслатиб ўтамиз, «Реал» ўтган мавсумни совринсиз якунлади. Ла Лигада «қироллик клуби» «Барселона»дан саккиз очко ортда қолиб, иккинчи ўринни эгаллади. Жозе Моуриньо Мадрид жамоасини 2010 йилдан 2013 йилгача бошқарган.
