Мадриднинг «Реал» клуби президенти Флорентино Перес Жозе Моуриньонинг клубга қайтиши ҳақидаги миш-мишларга изоҳ берди. Кўпчилик Перес бўлажак сайловларда ғалаба қозонса, португалиялик мутахассисни жамоага бош мураббий этиб тайинлашига ишонмоқда.
«Яхши мураббий жамоамизни ишлашга мажбур қилади, чунки бизда дунёдаги энг яхши футболчилар бор. Моуриньоми? У жуда яхши мураббий», – дея Переснинг сўзларини келтиради журналист Фабрицио Романо.
Жозе Моуриньонинг «Бенфика» билан тузган шартномаси 2027 йилгача амал қилади, бироқ унинг Лиссабон клубида қолиши ҳақиқатга яқин эмас. «Реал» президенти сайловлари 7 июнь куни бўлиб ўтади. Переснинг бу сайловдаги ягона рақиби – Энрике Рикельме.
