Испания терма жамоаси бош мураббийи Луис де ла Фуэнте «Барселона» ҳужумчиси Ламин Ямалнинг ўйини ҳақида ўз фикрларини билдирди.
«У жуда ёш. Бизнинг жамоада 16 ёшида дебют қилган эди. Ҳозир у 18 ёшда ва биз унга футболнинг фундаментал тамойилларини сингдириб боряпмиз. Гап унга футболда ҳам, ҳаётда ҳам керак бўладиган қадриятларни ўргатиш ҳақида кетмоқда. Булар доимо ёнма-ён юриши керак. У ўсиш ва ривожланишга интилади ҳамда олдига, айниқса ўз-ўзига нисбатан юқори стандартларни қўяди. Унинг ўрганишга бўлган иштиёқи маслаҳатлар учун доим очиқ эканлигини англатади. Агар жароҳатлар халақит бермаса, муваффақият калити айнан шунда», — дея де ла Фуэнтенинг сўзларини келтиради ФИФА расмий сайти.
