«ПСЖ» ҳужумчиси Усмон Дембеле 30 май куни Будапештдаги «Пушкаш Арена»да бўлиб ўтадиган «Арсенал»га қарши финал учрашуви олдидан соғлиғи ҳақида тўхталди.
«Бу финални ўтказиб юборишдан қўрқмадим, чунки майдонни олдиндан тарк этгандим. Бизда катта танаффус бўлмади, бироқ ходимлар ва мураббий ҳаммасини тўғри ташкил қилишди. Шу сабабли мен финалга 100 фоиз тайёрман», — деди Дембеле.
Эслатиб ўтамиз, аввалроқ франциялик футболчи Франция чемпионатининг 34-тури доирасидаги «Париж»га қарши ўйинда (1:2) жароҳат туфайли 27-дақиқада алмаштирилган эди.
Жорий мавсумда Дембеле барча турнирларда 39 та ўйинда майдонга тушиб, 19 та гол ва 11 та голли узатмани амалга оширди.
