«PSJ» hujumchisi Usmon Dembele 30 may kuni Budapeshtdagi «Pushkash Arena»da bo‘lib o‘tadigan «Arsenal»ga qarshi final uchrashuvi oldidan sog‘lig‘i haqida to‘xtaldi.
«Bu finalni o‘tkazib yuborishdan qo‘rqmadim, chunki maydonni oldindan tark etgandim. Bizda katta tanaffus bo‘lmadi, biroq xodimlar va murabbiy hammasini to‘g‘ri tashkil qilishdi. Shu sababli men finalga 100 foiz tayyorman», — dedi Dembele.
Eslatib o‘tamiz, avvalroq fransiyalik futbolchi Fransiya chempionatining 34-turi doirasidagi «Parij»ga qarshi o‘yinda (1:2) jarohat tufayli 27-daqiqada almashtirilgan edi.
Joriy mavsumda Dembele barcha turnirlarda 39 ta o‘yinda maydonga tushib, 19 ta gol va 11 ta golli uzatmani amalga oshirdi.
