«Барселона» вингери Ламин Ямал Жаҳон чемпионатида Испания терма жамоасининг имкониятлари ҳақида фикр билдирди.
«Қизил фурия» мундиалга Европанинг амалдаги чемпиони ва турнирнинг асосий фаворитларидан бири сифатида йўл олмоқда.
«Фаворит мақоми ҳеч нарсани англатмайди – у майдонда сизга устунлик ёки қўшимча голлар бермайди. Бошқа жуда кучли жамоалар ҳам бор: масалан, амалдаги чемпион — Аргентина, таркиби даҳшатли бўлган Франция, Португалия ва Англия. Жаҳон чемпионатида барча юз фоиз куч билан ўйнайди», — деди Ямал.
Эслатиб ўтамиз, Испания терма жамоаси гуруҳ босқичида Кабо-Верде, Саудия Арабистони ва Уругвай терма жамоаларига қарши баҳс олиб боради.
