«Арсенал» ҳужумчиси Габриэл Мартинелли Чемпионлар лигаси финалида «ПСЖ»га қарши ўйин олдидан ушбу турнирда иштирок этиш ҳар доим унинг орзуси бўлганини айтди.
«Мен ҳар доим Чемпионлар лигасини яхши кўрганман. Бу турнирда ўйнашни доимо орзу қилганман, отам ҳам шундай орзу қилган. Ҳар сафар майдонга чиқиб, ўйин олдидан мадҳияни эшитганимда, баданим жунжикиб кетади. Чемпионлар лигаси финалида ўйнаш — бу ақлбовар қилмас, жуда ажойиб ҳолат.
Шахсан мен яна оғриқни (бир йил олдин «ПСЖ»дан ярим финалда учралган мағлубиятдан кейинги ҳолат) ҳис қилишни истамайман. Ишонаманки, жамоамизнинг бирорта аъзоси ҳам буни хоҳламайди. Биз ўша ҳиссиётни эслаб қолишимиз керак, шундагина бўлажак финалда бор кучимизни ишга солиб, ғалаба учун қўлимиздан келганини қиламиз», — дея Мартинеллининг сўзларидан иқтибос келтиради УЕФА матбуот хизмати.
