«ПСЖ»нинг грузиялик ярим ҳимоячиси Хвича Кварацхелия УЕФА Чемпионлар лигаси финали доирасидаги Лондоннинг «Арсенал» клубига қарши ўйин олдидан ОАВ вакиллари билан учрашди.
«Биз амалдаги чемпионмиз ва бўлажак финалда ушбу унвонни ҳимоя қила оламиз. Бу осон бўлмайди, лекин жамоамиз исталган рақибни мағлуб эта олишини бир неча бор исботлаган. Биз ўз ўйинимизни кўрсатишимиз ва майдонда бор кучимизни беришимиз керак», — дея футболчининг сўзларини келтиради УЕФА матбуот хизмати.
«ПСЖ» ва «Арсенал» ўртасидаги Чемпионлар лигасининг финал учрашуви бугун, 30 май куни Будапештдаги стадионда бўлиб ўтади. Ўйин Тошкент вақти билан соат 21:00 да бошланади.
