«Барселона» Энтони Гордонни «Ньюкасл»дан сотиб олиши бош мураббий Ханс-Дитер Фликнинг «махсус илтимоси»га кўра амалга оширилди. Немис мутахассиси инглиз футболчисининг ўтган йил сентябрь ойида Чемпионлар лигаси доирасидаги ўзаро ўйиндаги (1:2) ҳаракатларидан лол қолган эди. Бу ҳақида The Athletic нашри хабар бермоқда.

Манбага кўра, «Барселона» трансфер ойнаси расман очилгунга қадар катта харажат қилишга тайёр эди. Бунинг учта асосий сабаби бор. Биринчидан, жорий йилда Ла Лиганинг иш ҳақи лимити доирасида клубнинг имкониятлари келаси йилгига қараганда анча кенгроқ эканлиги англаб етилди. Иккинчидан, агар Гордон Жаҳон чемпионатида ўзини кўрсатса, унинг нархи янада ошиши мумкин эди. Учинчидан эса, «кўк-анорранглилар» Гордонга қизиқиш билдирган бошқа жамоалар билан рақобатда ютқазишни исташмади.

«Барселона» 29 май куни Гордоннинг трансферини эълон қилди. Инглиз ҳужумчиси клуб билан беш йиллик шартнома имзолади. Трансфернинг умумий суммаси 80 миллион евродан ошиши айтилмоқда.