Инсайдер Фабрицио Романонинг маълум қилишича, «Ньюкасл» ҳимоячиси Киран Триппьер шартнома муддати тугаганидан сўнг «Вулверхэмптон»га ўтади.
Романо Sky Sports журналисти Кит Даунининг маълумотларига таяниб хабар беришича, Англия терма жамоасининг собиқ аъзоси «бўрилар» билан икки йиллик битим имзолайди, унда шартномани яна бир мавсумга узайтириш опцияси ҳам мавжуд.
Жорий АПЛ мавсумида Триппьер «Ньюкасл» сафида 21 та ўйин ўтказиб, битта голли узатмани амалга оширди ва учта сариқ карточка олди.













