«Милан» вингери Рафаэль Леау фаолиятини «Манчестер Юнайтед»да давом эттириши мумкин. Бу ҳақда Football Insider нашри хабар бермоқда.
Футболчи «қизил иблислар»нинг шорт-листидан жой олган. Аввалроқ «Милан» Леау учун 43 миллион фунт стерлинг талаб қилган эди. Бироқ эндиликда клуб Чемпионлар лигасига йўлланма ололмагани сабабли, италияликлар ўз талабларини пасайтиришга тайёр.
Рафаэль Леау «Милан» сафида жами 291 та ўйин ўтказган. Ушбу учрашувларда вингер 80 та гол урган ва 65 та голли узатмани амалга оширган.
