«Арсенал»нинг собиқ футболчиси Тео Уолкотт Микель Артетанинг лондонликлар бош мураббийи сифатида олиб бораётган иши ҳақида ўз фикрларини билдирди. Бугун «канонирлар» Чемпионлар лигаси финалида «ПСЖ» билан тўқнаш келади. Учрашув Тошкент вақти билан соат 21:00 да бошланади.

«Менимча, у ҳукмронликни давом эттиради. Бунга ишонаман. У клубнинг бутун бошли маданиятини ўзгартирди. Кўп мураббийларга вақт, энергия ва қўллаб-қувватлаш етишмайди. Аммо «Арсенал» сабрли бўлди», — деди Уолкотт.

Артета билан бирга ўйнаган пайтларини эслаган Тео шундай деди: «Биз бирга ўйнаганимизда у ўз меҳнатсеварлиги билан ажралиб турарди. У намуна кўрсатарди ва доимо яхши одатлар борасида жуда қаттиққўл эди. Баъзида футболчилар бирор нарсани қилишни исташмаганда, у буни албатта бажаришларини кузатиб борарди. У жуда мақсадли инсон. Клубга келганидаёқ, унинг сардор бўлишини билгандим. У доимо одамлар тинглашни истаган инсон бўлган. У футболчилар билан тил топиша олади. Бу шунчаки мураббий ва ўйинчи эмас, балки инсонлар ўртасидаги алоқа бўлиб, бу жуда кўп ёрдам беради».

Шунингдек, Уолкотт мураббийнинг инсонийлик жиҳатларига ҳам тўхталди: «Баъзида у ўзгариб қолади. Бир гал мен таътилга борганимда, у ҳам ўша ерда эди, болалари билан ажойиб вақт ўтказаётганди, улар билан футбол ўйнаётганди».