Лондоннинг “Арсенал” клуби бош мураббийи Микель Артета Будапештда "ПСЖ"га қарши бўлиб ўтадиган Европа Чемпионлар Лигасининг финал учрашуви олдидан ўз фикрларини билдириб ўтди. Испаниялик мутахассис жамоасининг ушбу даражага чиқиши ортида катта меҳнат ётганини эътироф этди.
“Бундай нуфузли саҳнада, финал учрашувида ҳозир бўлиш — ажойиб туйғу. Биз бу ерда бўлиш ҳуқуқини ҳалол меҳнатимиз билан қўлга киритдик, энди эса мана шу тарихий лаҳзалардан завқ олишимиз керак”, — дейди Артета.
Лондонликлар устози бўлажак учрашувдан қандай ўйин кутаётгани ва рақибнинг кучли томонлари ҳақида ҳам тўхталиб ўтди.
“Икки жамоа ҳам юқори прессинг тарафдори бўлгани учун майдонда тезлик ҳар сонияда юқори бўлади. Айниқса, ярим ҳимоячиларнинг доимий ротацияси эвазига катта ҳаракат гувоҳига айланамиз. Майдонга чиқадиган футболчиларнинг маҳорат даражаси жуда юқори. Ҳар сафар рақиб билан яккама-якка вазиятга тушилганда, ҳар қандай кутилмаган ҳолат юз бериши мумкин”, — дея қўшимча қилди мутахассис.
Маълумот учун, бугунги финал баҳси ҳар икки клуб учун ҳам тарихий аҳамиятга эга. “Арсенал” ўз тарихидаги илк Европа Чемпионлар Лигаси кубогини боши устида баланд кўтаришни мақсад қилган бўлса, амалдаги чемпион "ПСЖ" Мадриднинг “Реал” клубидан кейин (2016-2018 йиллардаги кетма-кет учта чемпионлик) ушбу совринни ўзида сақлаб қола олган биринчи жамоага айланиши мумкин.
