«Ливерпуль» яқин орада Андони Ираола билан музокаралар ўтказади.

Журналист Бен Жейкобснинг хабар беришича, «Ливерпуль» шу дам олиш кунлари «Борнмут»нинг собиқ бош мураббийи Андони Ираола билан музокаралар ўтказишни режалаштирмоқда.

Клуб янги бош мураббий масаласини имкон қадар тезроқ ҳал қилишни кўзламоқда.

Испаниялик мутахассис барча бошқа музокараларни, шу жумладан «Байер» ва «Кристал Пэлас» билан бўлган мулоқотларни ҳам тўхтатиб қўйди. «Ливерпуль» билан музокаралар тез суръатларда давом этиши кутилмоқда.

Эслатиб ўтамиз, бугун «Ливерпуль» бош мураббийи Арне Слот ўз лавозимидан озод этилгани маълум бўлган эди.