"Ливерпуль" муваффақиятсиз мавсумни ўтказди ва Арне Слотнинг истеъфоси ҳақидаги миш-мишлар матбуотда илгари мунтазам пайдо бўларди. Шунга қарамай, сўнгги ҳафталарда бундай маълумотлар камайган эди ва Слот барибир қоладигандек кўринаётганди — айниқса, "қизиллар" Чемпионлар лигасига йўлланма олганидан кейин. Бироқ, шанба куни "Ливерпуль" нидерландиялик мутахассис билан хайрлашганини эълон қилди.
Daily Mail саҳифаларида бу борада мақола эълон қилинди. Унда айтилишича, "Ливерпуль" футболчиларининг аксарияти учун Арне Слотнинг ишдан бўшатилиши кутилмаган ҳолат бўлди.
"Ишдан бўшатиш жамоа таркибининг катта қисми учун кутилмаган ҳодиса бўлди, улар мураббий сўнгги ҳафталардаги танқидлар тўлқинидан ўтиб бўлди деб ҳисоблашарди", — дейилади материалда.
Таъкидланишича, Арне Слот клубнинг қарори ҳақида жума куни хабар топган.
