Воситачилар Миланнинг «Интер» клубига «Манчестер Юнайтед» ҳимоячиси Гарри Магуайрнинг хизматларини таклиф қилишди. La Gazzetta dello Sport хабарига кўра, 33 ёшли англиялик футболчининг клуб билан шартномаси 2027 йилгача амал қилади, бироқ у ёзда Манчестерни тарк этиши мумкин.
«Нерадзуррилар» Магуайрни ҳимояни кучайтириш учун устувор вариант сифатида кўрмаяпти. Клубнинг асосий эътибори «Удинезе»дан Умар Соле билан олиб борилаётган музокараларга қаратилган. У жамоанинг узоқ муддатли ривожланиш стратегиясига мос келадиган ва истиқболли футболчи ҳисобланади. 26 ёшли француз Франческо Ачерби ва Стефан де Врей каби тажрибали ҳимоячиларнинг эҳтимолий кетиши фонида «Интер»нинг қизиқиш доирасига тушган.
«Интер» раҳбарияти Соле билан 2031 йилгача мўлжалланган узоқ муддатли шартнома имзолашни режалаштирмоқда. Унинг бозор қиймати 23 миллион еврога баҳоланмоқда.
