Мадриднинг «Атлетико» клуби ҳимоячиси Марк Пубиль трансфер бозорида харидорлар нишонига айланди. Бу ҳақда Caught Offside журналистлари хабар бермоқда.
Манбага кўра, 22 ёшли футболчи хизматига Европанинг бешта топ-клуби – «ПСЖ», «Барселона», «Ливерпуль», «Челси» ва «Манчестер Юнайтед» қизиқиш билдирмоқда.
Transfermarkt портали ҳимоячининг бозор қийматини 28 миллион еврога баҳоламоқда. Футболчи ва мадридликлар ўртасидаги амалдаги шартнома 2030 йилнинг ёзигача мўлжалланган. Ўтган мавсумда Пубиль барча турнирларда 36 та ўйинда майдонга тушиб, битта гол урди ва битта голли узатмани амалга оширди.
